Pinagtibay na ng House of Representatives ang resolution na ang impeachment proceedings kay Vice President Sara Duterte ay hindi lumalabag sa 1987 Constitution.
Sa ginanap na plenary sessions nito gabi ng Miyerkules , Hunyo 11, ay pinagtibay na ang House Resolution No. 2346 ay nagsesertipika na ang impeachment proceedings ay sumusunod sa Article XI, Section 3, Paragraph 5 ng 1987 Constitution.
Kabilang na rin dito ang tatlong pagkakataon ng pagsasampa ng tatlong impeachment complaints.
Ang nasabing resolultion ay iminungkahi nina House Senior Deputy Speaker Aurelio “Dong” Gonzales Jr. ng Pampanga, House Deputy Speaker Rep. David “Jay-Jay” Suarez ng Quezon, at House Majority Leader Rep. Jose Manuel Dalipe ng Zamboanga City.
Dahil dito ay inatasan si House Secretary General Reginald Velasco na maglabas ng certification na naayon sa pagpapatibay ng nasabing resolution.
