Julia Barretto, pinasalamatan ang mga fans matapos mabigyan ng Silver Play button ng YouTube

Pinasalamatan ni Julia Barretto ang kaniyang mga fans matapos na mabigyan siya ng Silver Play Button ng YouTube.

Ibinibigay kasi ng nabanggit na video sharing platform ang award sa mga content creators na mayroong mahigit 100,000 subscribers.

Sinabi nito na bagamat bago pa lamang siya pag-vlogging ay tiniyak nito sa kaniyang subscriber na gagalingan niya ito at pagagandahin pa ang mga content ng kaniyang video.

Umaabot na kasi sa mahigit 350,000 ang kaniyang mga subscribers sa YouTube channel ng actress.