-- Advertisements --

Pinahiya ng Utah Jazz sa sariling homecourt ang New York Knicks sa pagsisimula ng kanilang road games, 108-93.

Nanguna si Donovan Mitchell sa diskarte na may 36 points, habang ang Fil-Am na si Jordan Clarkson ay nag-ambag ng 23 points mula sa bench.

Sa first half pa lamang tumipon kaagad ng 18 puntos si Clarkson para iposte ng kanilang team ang ika-45 panalo.

Si Mitchell na tubong New York at binigyan ng standing ovation ng mga fans bago ang game ay hindi nagpaawat nang magpakawala rin ng pitong 3-pointers at matinding dunk sa fourth quarter.

Samantala sa kampo ng Knicks nagpakita si RJ Barrett ng 24 points at si Evan Fournier ay may 17.