Jake Paul hinamon si Canelo Alvarez matapos talunin si Anderson Silva

Tinalo ni Youtuber-turned boxer Jake Paul ang dating UFC champion na si Anderson Silva.

Umabot sa walong rounds ang laban kung saan nagwagi si Paul sa pamamagitan ng unanimous decision.

Sa huling round ay napatumba pa ng 25-anyos na si Paul ang 47-anyos na si Silva.
Dahil sa panalo ay mayroon na itong anim na panalo at wala pang talo.

Mayroong 83 punches ang napakawala ni Paul habang 79 lamang si Silva.

Matapos ang laban ay hinamon ni Paul ang mga boksingero gaya nina Canelo Alvarez at Nate Diaz.