Hinimok ni Senator Sherwin Gatchalian na dapat mamuhunan ang Pilipinas sa industriya ng liquefied natural gas (LNG) kahit man lang sa maikli at katamtamang termino upang matiyak na magkakaroon ng sapat na suplay ng kuryente ang bansa.
Ginawa ni Gatchalian ang mungkahi habang inihayag niya ang kanyang suporta sa likod ng hakbang ng Department of Energy (DOE) na hikayatin ang mga pamumuhunan sa industriya ng Liquefied natural gas.
Aniya, ito ay mabuti para sa pambansang seguridad ng enerhiya ng bansa ngayon at pinupuri niya umano ang suporta ng departamento para sa pagtatayo ng mga terminal ng Liquefied natural gas sa hangaring tiyakin ang tuluy-tuloy na supply ng kuryente ngayong taon.
Binanggit ng senador na sa nakalipas na apat na taon, bumababa ang output na nagmumula sa nag-iisang pinagmumulan ng natural gas sa bansa.
Pinaalalahanan din niya na ang service contract ng Malampaya gas field ay inaasahang mag-e-expire sa 2024.
Ang nauubos na supply mula sa Malampaya ay inaasahang mag-iiwan din ng malaking bahid sa suplay ng kuryente sa bansa.
Ipinaliwanag ni Gatchalian na ang Malampaya ay nagpapagana ng halos 25 percent ng pangangailangan sa kuryente ng Luzon at malapit sa 18 percent ng buong bansa.
