BOMBO DAGUPAN -Wala ng buhay nang matagpuan ang isang lalaking nasa hustong gulang sa Alogarat river sa bayan ng Binalonan dito sa lalawigan ng Pangasinan.
Sa panayam ng Bombo Radyo Dagupan kay PCAPT. Clyde M. Sindayen, Operation Officer ng Binalonan Municipal Police Station papunta umano ang biktima sa bayan ng Pozorrubio upang pasyalan ang kaniyang apong galing abroad.
Kinabukasan ay natagpuan na lamang itong wala ng buhay sa naturang ilog.
Maaaring nalunod umano ang biktima dahil na rin sa malakas na agos ng tubig.
Agad naman aniyang rumesponde ang kapulisan nang matanggap ang ulat patungkol dito. Wala namang nakikitang foul play sa nasabing pangyayari.
Sinubukan pa umanong dalhin sa ospital ang biktima ngunit idineklara na itong dead on arrival.
