-- Advertisements --

CAUAYAN CITY- Naitala ang 80 bagong nagpositibo sa COVID-19 sa tatlong lungsod at pitong bayan sa Isabela.

Dahil dito ay umakyat na sa 848 ang mga aktibong kaso habang isang daan labing-apat ang mga gumaling.

Ang mga bagong COVID-19 positive ay naitala sa Roxas, Isabela na 39, Lunsod ng Santiago na 12, Cauayan City 8, Alicia 7, Delfin Albano 5, Sta. Maria 4, City of Ilagan 2, tig-iisa ang mga bayan ng Luna, Angadanan at Echague, Isabela.

Sa mga aktibong kaso ay 1 ang Returning Overseas Filipino, 18 ang Locally Stranded Individual (LSI) , 126 ang mga health workers, 24 ang mga pulis at ang local transmission ay 679.

Sa kabuuan ay umakyat na sa 6,412 ang nagpositibo sa COVID-19 sa Isabela, 5,441 ang mga recoveries habang 123 ang nasawi.

-- Advertisement --

Patuloy ang paalala sa publiko ng pamahalaang panlalawigan na sumunod sa mga health protocol at huwag lumabas sa bahay kung hindi mahalaga ang gagawin sa labas para maiwasan ang COVID-19.