Kinansela ng Walt Disney Co ang pagpapalabas ng mga ibang mga pelikula dahil sa epekto ng coronavirus pandemic.
Isa dito ang pelikulang “Mulan” na ipinagpaliban ang pagpapalabas at wala pang bagong petsa kung kailan muli ito ipapalabas.
Una kasi sana itong ipapalabas noong Marso pero ito ay ipinagpaliban ng ilang beses dahil maraming mga sinehan ang nagsara para hindi na kumalat pa ang coronavirus at muli itong inilipat sa Agosto 21 at ngayon ay indefinite muna ang pagpapalabas.
Ayon sa kumpanya na kanilang pag-aaralang mabuti ang sitwasyon kung sakaling magbukas na ang mga sinehan.
Kasama rin nilang ipinagpaliban ng pagpapalabas ay ang pelikulang “Avatar” at “Star Wars”.
Itinakda na sa Disyembre 2022 ang pagpapalabas ng “Avatar 2” habang ang “Star Wars” ay ipapalabas na sa Disyembre 2023.
