Gumawa na ng paraan ang organizers ng Burning Man festival event sa Nevada para mailikas ang ilang libong mga katao na na-stranded dahil sa pag-ulan.
May kinuhang mga buses ang organizers para masundo ang mga katao na stranded sa Nevada desert.
Maging ang komediyanteng si Chris Rock at DJ Diplo ay naglakad ng ilang milya bago makahanap ng masakyan.
Sa kaniyang social media nagpost ang actor ng video kung saan lumusong ito sa makapal na putik ng Black Rock Desert.
Hindi makalapit ang mga sasakyan dahil sa makapal na putik mula sa disyerto.
Ginagawa kada taon ang nasabing event kung saan dinadaluhan ng mga singers at artista.
Bago matapos ang event ay susunugin nila ang ginawa nilang malaking Totem o simbolo na nagpapakita ng kanilang tema kada taon.
