Inilabas ng MMDA ang ulat ukol sa lagay ng baha sa iba’t ibang kalsada sa Metro Manila ngayong umaga, Agosto 17, 2026.
Sa Pasay City, umabot sa humigit-kumulang walong pulgada o lalim-gutter ang baha sa EDSA Roxas Northbound, Andrews Avenue corner Aurora Boulevard, at Roxas Buendia Northbound, ngunit nananatili pa ring daanan ng lahat ng uri ng sasakyan.
Para naman sa Taguig City, gutter-deep din ang tubig sa Chino Roces Avenue, habang umabot naman sa humigit-kumulang 19 pulgada o lalim-tuhod ang baha sa East Service Road Southbound malapit sa PNR Nichols na hindi na nadadaanan ng mga magaan na sasakyan.
Sa Mandaluyong City, kalahating gutter o apat na pulgada ang baha sa EDSA Ortigas Intersection Southbound, habang kalahating tuhod naman o 10 pulgada sa Boni Avenue corner F. Ortigas Street, subalit passable pa rin ang mga ito.
Nagdulot naman ng matinding abala sa Makati City ang baha sa EDSA Magallanes Service Road Southbound na umabot sa lalim-gulong, kung kaya’t hindi ito madadaanan ng anumang uri ng sasakyan.
Sa Maynila, nakatala ng walong pulgadang baha sa Padre Faura, Taft Avenue malapit sa NBI, P. Ocampo papuntang Roxas Boulevard, pati na rin sa iba’t ibang bahagi ng Quirino Avenue, ngunit kable at passable pa rin sa mga biyahero.
Samantala sa Quezon City, gutter-deep ang baha sa E. Rodriguez Avenue corner Araneta Avenue, habang hindi naman maipasa-pasa ng kahit anong sasakyan ang Quezon Avenue corner Biak na Bato dahil sa lalim-gulong na baha.
