-- Advertisements --
Suspendido ang number coding scheme sa Metro Manila mula Lunes, Nobyembre 16, hanggang Miyerkules, Nobyembre 18, kasabay ng pagdaraos ng 47th ASEAN Summit sa bansa.
Layunin ng suspensiyon na mapadali ang pagbiyahe ng mga motorista at maiwasan ang karagdagang abala sa gitna ng mga paghahanda at aktibidad para sa pagtitipon ng mga lider at delegado mula sa iba’t ibang bansa.
Sa loob ng tatlong araw, hindi muna ipatutupad ang Unified Vehicular Volume Reduction Program (UVVRP) o number coding scheme sa mga lungsod na sakop ng Metro Manila.
Gayunman, pinapayuhan pa rin ang mga motorista na manatiling updated sa mga abiso ng mga awtoridad kaugnay ng mga posibleng pagsasara ng kalsada at pagbabago sa daloy ng trapiko dahil sa ASEAN Summit.
