Umaabot sa mahigit 6,000 pamilya ang naapektuhan ng Bagyong Luis sa Bicol Region, Zamboanga Peninsula, at Bangsamoro Autonomous Region, ayon sa ulat ng National Disaster Risk Reduction and Management Council.
Pitong lugar sa Zamboanga Peninsula at BARMM ang nananatiling lubog sa baha habang suspendido ang biyahe sa siyam na pantalan sa Calabarzon at Bicol na nagdulot ng pagka-stranded ng halos 500 pasahero.
Ayon sa Department of Social Welfare and Development, mahigit P280,000 halaga ng tulong ang naipamahagi sa mga apektadong residente sa Bicol Region.
Samantala, idineklara ng pamahalaang panlalawigan ng Camarines Sur ang Red Alert noong Agosto 1 bilang tugon sa banta ng bagyo.
Patuloy na nakataas ang mga babala sa hilagang Luzon kung saan inaasahang mararanasan ang malalakas na ulan at hangin.
Pinapayuhan ang mga residente na maging handa sa posibleng pagbaha at pagguho ng lupa habang patuloy na mino-monitor ng mga ahensya ng gobyerno ang sitwasyon sa mga lugar na lubhang tinamaan ng Bagyong Luis.
