Pinirmahan na ni Pangulong Ferdinand Marcos Jr ang executive order na ukol sa pagtataguyod ng Artificial Intelligence (AI) Governance Framework at pagbuo ng National Artificial Intelligence Council (NAIC).
Pinirmahan nitong Nobyembre 12 ang Executive Order 131 bilang panuntunan sa pagbuo ng polisiya,formulation, regulatory, coordination,
institutional development, capacity-building at ilang government measures na kinakailangan para mapalakas ang AI ecosystem ng bansa.
Ayon kay Palace Press Officer Undersecretary Claire Castro , ang EO ay kumikilala sa AI bilang kagamitan para mapagaan ang buhay ng mga Pilipino.
Dagdag pa nito na kailangan ang AI ay mayroong pakinabagn sa mga manggagawa, negosyo,komunidad at buong bansa.
Layon aniya nito ay para maipatupad ng responsable, ligtas, etikal at may sapat na proteksyon para mapanatili ang tiwala ng publiko.
Sa ilalim kasi ng EO ay inaatasan ang NAIC na makipag-coordinate, magtaguyod at imonitor ang implementasyon ng AI Governance Framework.
Ang NAIC ay binubuo ng Executive Secretary bilang Chairperson; habang ang kalihim ng Secretary of the Department of Economy, Planning, and Development
ay siyang Vice Chairman at ang mga miyembro ay mga kalihim ng Department of Information and Communications Technology; Department of Science and Technology; Dept. of Trade and Industry; Detp. of Education; Dept. of Labor and Employment; Dept. of Budget Management; Commission on Higher Education; Technical Education and Skills Development Authority at isang representative mula sa pribadong sektor.
