Higit 150-K sumalang sa swab test ng PCG, negatibo sa COVID-19

Umaabot na sa 150,069 ang nagnegatibo sa Coronavirus disease 2019 (COVID-19) swab test na isinagawa ng medical team ng Philippine Coast Guard (PCG).

Partikular dito ang mga repatriated Pinoys na dumating sa Ninoy Aquino International Airport (NAIA) at sa seaports.

Nasa 108,311 dito ay dumating sa NAIA at 17,034 ay sakay ng mga cruise ships na dumaong sa Manila Bay.

Karamihan sa mga ito ay sumailalim sa quarantine sa Eva Macapagal Super Terminal, Philippine Area at iba pang quarantine facilities.

Umaabot naman sa 36,467 ang naihatid na ng mga barko ng PCG sa mga lalawigan sa ilalim ng Balik Probinsiya Program.