Gilas player Will Navarro pumirma ng kontrata sa NorthPort Batang Pier

Nakatakdang maglaro na sa PBA matapos pakawalan na ng Gilas Pilipinas si William Navarro.

Pumirma kasi si Navarro ng short-term na kontrata sa NorthPort Batang Pier.

Kinumpirma ng kaniyang agent na si PJ Pilares ng Titan Management Group ang pagpirma ni Navarro ng kontrata.

Kasabay din nito ay kinumpirma ni Pilares ang pagpapakawala ng Gilas Pilipinas kay Navarro.

Magugunitang naging second overall pick ng NorthPort si Navarro noong PBA Season 46 draft.

Magugunitang pinigilan ng Samahang Basketball ng Pilipinas (SBP) si Navarro matapos na pumirma ito ng kontrata sa Seoul Samsung Thunders ng Korean Basketball League.