Nakatakdang pumirma si 2020-2021 NBA Sixth Man of the Year Jordan Clarkson sa kanyang contract extension na nagkakahalaga ng $55Million o katumbas ng P3,063,747,000.
Ang extension ay aabot sa tatlong taon, na kinabibilangan ng papasok na NBA season, hanggang sa 2025-2026 season, sa ilalim ng Utah Jazz
Maalalang si Clarkson ay nakuha ng Jazz mula sa Cleveland Cavaliers noong 2019-2020 season. Agad siyang nagpakitang-gilas pagdating niya sa Jazz at napanalunan ang 2020-2021 NBA Sixth Man of the Year.
Sa katatapos na season, siya ay may average na 20.8ppg, 4.0rpg, at 4.4apg sa loob ng 61 games na kanyang inilaro, kasama ang mga bagitong players ng Utah.
Noong unang taon nito sa Utah, nag-ambag siya ng 18.4ppg, bilang bench player.
Sa kasalukuyan siya ay 31 years old, at nakapaglaro na sa liga sa loob ng mahigit siyam na season.
