MANILA – Pinabulaanan ni Chinese Ambassador to the Philippines Huang Xilian na kinansela ng Cavite provincial government ang proyektong iginawad sa China Communications Construction Co. Ltd. (CCCC) para sa konstruksyon ng Sangley Point International Airport.
“I have noticed some reports and speculation on this issue and would like to make some clarifications and share some views with you,” ani Huang sa isang statement.
Pahayag ito ng opisyal matapos sabihin ni Cavite Gov. Jonvic Remulla na inirekomenda ng kanilang Special Selection Committee na huwag aprubahan ang redevelopment ng dating airbase.
“Due to the various deficiencies of the submission of requirements to conclude the Joint Venture Agreement for the Sangley Point International Airport,” ayon sa gobernador.
CANCELLED “I’m nobody. Who are you?” – Emily Dickinson, American Poet Due to the various deficiencies of the…
Posted by Jonvic Remulla on Tuesday, January 26, 2021
Nilinaw ng Chinese Ambassador na tanging ang feasibility study ng proyekto at hindi ang mismong $10-billion project ng Sangley Point Airport ang kinansela ng provincial government.
Ayon sa Chinese envoy, kasali ang feasibility study ng konstruksyon sa mga napagkasunduan nila ng provincial government, kasama ang $20-million investment ng mananalong bidder.
Kasama ng CCCC ang MacroAsia Corporation, na pagmamay-ari ng business tycoon na si Lucio Tan, sa nagawaran ng proyekto.
“Due to the impact of the COVID-19, the feasibility study has not been launched yet and is canceled at this stage. Obviously, some reports were not accurate,” dagdag ni Huang.
Nilinaw ng opisyal na commercial project, at walang halong pulitika ang mga naturang pag-aaral at proyekto.
“The feasibility study project between the Cavite provincial government and the joint venture is a pure commercial project and not related to the Central Government of the Philippines or the Chinese Government.”
Ayon kay Huang, naiintindihan ng Beijing ang kagustuhan ng lokal na pamahalaan na magtatayo ng malalaking infrastructure projects.
Pero kaakibat din daw nito ang malalaking investments.
Noong 2020 nang igawad ng Cavite provincial government ang P208.5-billion na kontrata sa dalawang kompanya para sa unang bahagi ng Sangley Point International Airport Project.
