Nananatili umanong top preferred presidential candidate si dating Senador Ferdinand “Bongbong” Marcos Jr.
Sa pinakahuling survey ng RP-Mission and Development Foundation Inc. na isinagawa mula November 16 hanggang 24 na nilahukan ng 10,000 respondents, 24 percent ang pumili kay Marcos Jr. bilang kanilang presidente, sinundan ito ni Manila Mayor Francisco Domagoso na nakakuha ng 22 percent.
Lumabas din sa broadsheet polls na patuloy na umaani ng popularidad at suporta si Marcos Jr., sa kabila ng mga petisyon at propaganda laban sa kanya.
Nanguna siya sa Manila Times October 26 hanggang November 2 survey sa pamamagitan ng 68 percent o 1,020 respondents.
Sa pinakahuling multi-platform survey ng Manila Bulletin mula November 19 hanggang 21, lumitaw na mananalo si Marcos ng 71.5 percent ng mga boto kung gaganapin daw ang eleksyon sa mga nabanggit na petsa.
Sa 68 percent at 71.5 percent na paborableng boto para kay Marcos Jr., kahit pagsamahin ang mga boto ng kanyang mga katunggaling kandidato ay hindi pa rin sapat para maungusan siya.
Sa independent at non-commissioned poll done ng PUBLiCUS Asia Inc. na tinawag na “PAHAYAG: FINAL LIST” mula November 16 hanggang 18 na nilahukan ng 1,500 respondents na registered voters, mula sa market research panel ng mahigit 200,000 Filipinos, sinabi ng PUBLiCUS na nangunguna pa rin ang dating senador sa regional groups.
“His lead is widest in NCL (Northern and Central Luzon) and MIN (Mindanao). Upon comparing the numbers with those obtained from the PAHAYAG: Q3 survey, we find that BBM posted a gain of around 7%,” ayon sa PUBLiCUS.
Samantala, November 15 nang kumpirmahin ng Social Weather Stations (SWS) ang resulta ng kanilang October 22 hanggang 23 stratbase-commissioned face-to-face survey conducted na nilahukan ng 1,200 registered voters sa buong bansa.
Lumitaw sa survey ang pumili kay Marcos Jr. bilang kanilang top choice sa pagka-pangulo sa halalan sa susunod na taon.
“Without the popular [Sara] Duterte-Carpio in the presidential race, Marcos is frontrunner, with 60% odds of victory, though there is a long road ahead,” ayon sa Eurasia Group consultancy.
