Ex-PNP member na nadismis sa serbisyo, binaril-patay sa Ilocos

VIGAN CITY – Malalimang imbestigasyon ang isinasagawa ng mga otoridad hinggil sa pagpatay sa dating miyembro ng Philippine National Police (PNP) kahapon sa Barangay Poblacion Este, Sta. Cruz, Ilocos Sur.

Sa impormasyong nakalap ng Bombo Radyo Vigan, nakilala ang biktima na si Alex Lagmay, 45-anyos na residente ng nasabing lugar.

Naglalakad umano pauwi ang biktima nang barilin ito ng mga hindi pa kilalang suspek.

Naitakbo sa Ilocos Sur District Hospital- Sta. Lucia ang biktima ngunit idineklerang dead on arrival.