Ex-NBA player na si Drew Gordon pumanaw na, 33

Patay ang dating NBA player na si Drew Gordon matapos na maaksidente ang minamanehong sasakyan.

Kinumpirma ito ng kaniyang kapatid na Denver Nuggets star Aaron Gordon subalit hindi na nagbigay na iba pang detalye.

Ang 33-anyos na basketbolista ay lumaki sa California na nag-aral sa Archbishop Mitty High School sa San Jose.

Unang naglaro ito sa college sa UCLA at University of New Mexico ng tig-dalawang seasons.

Noong Nobyembre 2014 ay kinuha siya ng Philadelphia 76ers sa NBA.

Naglaro ito ng siyam na taon at ipinagpatuloy sa G League hanggang sa kaniyang pagreretiro noong nakaraang taon.

Naglaro din ito sa iba’t-ibang bansa gaya sa Turkey, Serbia, Lithuania, France at Russia.