Eroplano ng Cebu Pacific, napilitang bumalik sa NAIA dahil sa bird strike

Napilitang bumalik sa Ninoy Aquino International Airport (NAIA) ang isang eroplano ng Cebu Pacific dahil sa bird strike nang sila ay nag-takeoff.

Ayon sa tagapagsalita ng Cebu Pacific na si Charo Logarta, ligtas ang lahat ng pasahero ng flight 5J-381 na patungo sana sa Cagayan De Oro.

Pero sa kabila nito, kinailangan namang palitan ang Airbus 320 craft na kanilang sinakyan matapos itong magtamo ng pinsala sa pangyayari.

Naka-alis ng paliparan ang replacement craft kaninang alas-7:20 ng umaga, apat na oras pagkatapos ng kanilang initial takeoff, at nakarating naman sa kanilang patutunguhan kaninang alas-8:30 ng umaga.