Isang grupo ng mga manggagawa sa edukasyon ang nanawagan sa Department of Education (DepEd) at sa pambansang pamahalaan na bilisan ang pagpapalabas ng one-time rice allowance sa lahat ng mga guro sa pampublikong paaralan.
Sinabi ng Alliance of Concerned Teachers (ACT) Philippines na ang mga guro sa pampublikong paaralan ay may karapatan sa isang bes na 25 kilo na rice allowance na ibinibigay ng pambansang pamahalaan sa lahat ng empleyado ng gobyerno ayon sa Administrative Order No. 2, s. 2022.
Kung matatandaan, ito ay nilagdaan ni Pangulong Marcos noong Disyembre ngunit nananatiling hindi pa natatanggap sa karamihan ng mga rehiyon hanggang sa kasalukuyan.
Hinimok din ng grupo ang DepEd at ang pambansang pamahalaan na tiyakin na ang kalidad ng bigas na ibinibigay ay akma sa konsumo ng tao.
Dagdag dito, nakatanggap kasi ang grupo ng mga reklamo na ang bigas na ibinigay sa Nueva Ecija, Mindoro, at Bacolod City ay hindi nakakain.
Una na rito, ang mga probisyon para sa ang natitirang bahagi ng mga rehiyon na dapat makatanggap ay hindi pa nailalabas.
