Eala pasok na sa semifinals ng W80 Poitiers France

Pasok na sa semifinals ng W80 Poitiers tennis tour sa France si Alex Eala.

Ito ay matapos talunin niya si Ana Konjuh ng Croatia sa score na 6-2, 6-3.

Ang 24-anyos na si Konjuh ay WTA World number 153 na mayroong career high na World number 20 noong 2017.

Habang ang 17-anyos na si Eala ay kasalukuyang WTA World number 248.

Sa simula ng laro ay dominado ni Eala ang laro at hindi na hinayaang makalamang pa ang Croatian tennis player.