CENTRAL MINDANAO- Binawian ng buhay ang isang drug suspect nang manlaban sa mga otoridad sa Kidapawan City.
Nakilala ang napatay na si Jose Leo Labrador Roa,alyas Jonel,19 anyos,isang manggagawa at residente ng Purok Guava Brgy Poblacion Kidapawan City.
Ayon kay Kidapawan City Chief of Police, Lieutenant Colonel Ramel Hojilla na nagsagawa ng buybust operation ang mga tauhan ng Regional Philippine Drug Enforcement Unit malapit sa tahanan ng suspek.
Nang akma ng I-abot ni Roa ang droga sa asset ng RPDEU nakatunog ito at nanlaban.
Napilitan ang mga otoridad na paputukan si Roa kaya ito ay nasawi.
Batay sa ulat ng RPDEU, narekober sa bahay nito ang isang unit ng caliber 38, 11 pakete ng shabu at ang 500 peso bill na siyang ginamit sa buy bust operation.
Napag-alaman na si Roa ay dating kabilang umano sa listahan ni Pangulong Rodrigo Duterte.
Sa ngayon ay nagpapatuloy ang imbestigasyon ng Kidapawan City PNP sa naturang pangyayari.
