Drug den sa Tacloban, nabuwag sa buy bust ops; 6 arestado

TACLOBAN CITY – Matagumpay na nabuwag ng Philippine Drug Enforcement Agency (PDEA) Regional Office 8 ang isang drug den sa buy bust operation sa Barangay 39 Calvary Hill Tacloban City.

Ayon kay PDEA-8 Regional Director Edgar Jubay, kasabay ng pag-dismantle sa naturang drug den ay naaresto ang anim ng drug personalities na kinabibilangan ng tatlong pintor, isang computer encoder na siyang drug den maintaner at isang taga-tinda.

Dagdag nito na lahat ng mga suspek ay residente ng nasabing barangay.

Nakumpiska sa operasyon ang apat na sachet ng pinaniniwalang shabu na mayroong estimated market value na P74,800 at ilang drug paraphernalia.

Sa ngayon ay nahaharap na sa kaukulang kaso ang mga suspek at naka-detine sa PDEA-8 facility.