Pinayuhan ng Department of Health (DOH) ang publiko na mag-ingat sa dengue, diarrhea, at iba pang sakit na maaaring makuha bilang resulta ng El Niño phenomenon.
Sinabi ng DOH na maaaring makaranas ang mga Pilipino sa mga sumusunod na kondisyon at sakit habang nagpapatuloy ang tagtuyot, kabilang na dito ang sunburns, over fatigue, heat stroke, cramps, food poisoning, asthma, nausea typhoid fever at maraming iba pa.
Ang pagkakaroon ng mga nasabing sakit ay maaaring posible dahil sa matinding init ng panahon, kakulangan sa malinis na tubig, at madalas na pag-ulan na nararanasan sa ating bansa.
Upang maiwasan ang heat stroke, pinaalalahanan ng DOH ang publiko na palaging mag-hydrate sa kanilang sarili at sa pamamagitan ng pag-inom ng maraming tubig, iwasang lumabas mula alas-10 ng umaga hanggang alas-3 ng hapon.
Gayundin na magsuot ng sunglass, sunscreen, at magdala ng payong kung hindi maiiwasan ang pagkakalantad sa araw.
Nauna nang itinaas ng mga kinauukulan ang El Niño alert sa bansa, na nagsasabing ang weather phenomenon na nailalarawan ng below-normal na pag-ulan ay maaaring maramdaman simula sa buwan ng Hunyo.
Bagama’t maaaring magkaroon ng negatibong epekto ang El Niño, tulad ng mga tagtuyot sa ilang lugar sa bansa, ang higit sa normal na kondisyon ng pag-ulan sa panahon ng Southwest Monsoon season (South) ay maaari ding asahan sa ibang bahagi ng Pilipinas.
