MANILA – Nagtayo na rin ng swab station para sa COVID-19 ang Manila Health Tek (MTek), ang kompanyang nasa likod ng kauna-unahang locally-developed test kits para sa coronavirus.
Noong April 21 nang buksan ng MTek ang swab station nito sa Palacio de Manila sa Ermita, Manila, para makatulong sa COVID-19 testing strategy ng pamahalaan.
Partikular na sa sektor ng mga overseas Filipino workers na nire-require ng swab test bago lumipad papuntang ibang bansa.
“The swab station provides affordable, accurate, and fast RT-PCR testing for COVID-19 and makes the swab testing accessible to the community. It also increases the testing capacity of the country one city at a time,” ani Department of Science and Technology Sec. Fortunato de la Pena sa isang report.
Kung maaalala, isa ang DOST sa sumuporta sa MTek noong nakaraang taon kaya nila nabuo ang COVID-19 test kit na GenAmplifyTM.
Si Dr. Raul Destura ng University of the Philippines ang nanguna sa grupo ng mga dalubhasa na nag-develop sa locally-made coronavirus test kits.
Nagkakahalaga ng P2,950 ang alok na swab test ng MTek sa offsite nito sa Maynila. Pasok ang halaga sa itinakdang presyo ng Department of Health at Department of Trade and Industry.
“The station will just be a collection site for swab samples, then be transported to MTek’s Molecular Laboratory in Marikina for processing. All results will be given in 24-48 hours via email,” ani Dela Pena.
Bukas mula alas-8:00 ng umaga hanggang alas-4:00 ng hapon ang naturang swab station.
May alok din daw na home service ang MTek para sa mga nakatira malapit sa kanilang Palacio de Manila swab station, at mga itinuturing na high-risk.
“Apart from distributing the diagnostic kit to other parts of the country, this technology is also readily available to the company, hence, MTEK decided to open its first molecular laboratory in October 2020 which is based in Marikina.”
