Nagpakitang-gilas si Jimuel Pacquiao, anak ng 8-division world champion na si Manny Pacquiao, sa kanyang unang professional fight sa Estados Unidos.
Ginanap ang laban sa Pechanga Resort and Casino sa Temecula, California laban kay Brendan Lally ng Chicago.
Sa apat na round na bakbakan, nagtapos ang laban sa majority draw matapos maglabas ng score na 39-37 para kay Pacquiao at dalawang 38-38 mula sa ibang hurado.
Nasa ringside si Manny Pacquiao at ang kanyang asawa na si Jinkee upang personal na suportahan ang kanilang panganay.
Bahagi ang laban ni Jimuel ng undercard ng event na pinangasiwaan ng Manny Pacquiao Promotions, na unang pagkakataon nilang nagdaos ng boxing card sa Amerika.
Bagama’t bahagyang napagod sa huling bahagi, nakabawi si Jimuel sa ikaapat na round sa pamamagitan ng matitinding palitan ng suntok.
Sa resulta, nagsimula ang kanyang pro record sa 0-0-1, habang kapwa rin may draw si Lally sa kanyang debut.
