-- Advertisements --
Lumabas na uli sa Philippine area of responsibility (PAR) ang bagyong Dante.
Matatandaang lumayo kahapon sa PAR line ang naturang sama ng panahon, ngunit bandang hapon ay muli itong pumasok.
Sa kabila nito, aasahan pa rin ang mga pag-ulan sa ilang bahagi ng bansa, lalo na sa isla ng Batanes.
Huling namataan ang sentro ng sama ng panahon sa layong 600 km sa hilaga hilagang silangan ng Itbayat, Batanes.
Taglay nito ang lakas ng hangin na 55 kph at pagbugsong 70 kph.
Kumikilos ito nang pahilagang silangan sa bilis na 35 kph.
