Inamin ni Department of Labor and Employment (DOLE) Secretary Francis Tolentino na gumugulong na ang proseso para sa wage increase sa iba’t ibang rehiyon ng bansa.
Nilinaw ng kalihim na bawat rehiyon ay may kanya-kanyang anniversary date para sa wage orders, kaya’t hindi maaaring magpatupad ng dalawang dagdag–sahod sa loob ng isang taon.
Sa Metro Manila, ipatutupad ang P85 wage hike sa dalawang hati.
Kapag ganap na naipatupad, tataas ang minimum wage ng non-agricultural workers mula P695 tungo sa P780 kada araw, habang ang agricultural at small retail/service workers ay tataas din.
Ayon sa DOLE, inaasahang maglalabas ng rekomendasyon ang mga regional wage boards sa Setyembre at Oktubre 2026 matapos ang kani-kanilang konsultasyon.
Dagdag pa ni Tolentino, halos 94–95% ng mga kumpanya sa NCR ang agad sumusunod sa wage orders, ngunit pinaalalahanan niya na may kaukulang multa at pagkakakulong para sa mga hindi susunod.
Ang hakbang na ito ay tugon sa mataas na inflation na umabot sa tatlong taong pinakamataas noong Abril 2026, dulot ng energy crisis, at layong maibsan ang pasanin ng mga manggagawa sa gitna ng tumataas na presyo ng bilihin.
