Curry posibleng makabalik na sa paglalaro sa susunod na linggo

Tiwala ang Golden State Warriors na makakabalik na sa paglalaro ang kanilang star player na si Stephen Curry.

Mula pa kasi noong Pebrero 4 ay hindi nakapaglaro ang 35-anyos na si Curry dahil sa injury sa kaliwang hita na natamo sa laban nila kontra Dallas Mavericks.

Magsisimula ang laban ng Warriors sa araw ng Lunes kontra sa Los Angeles Lakers na susundan ng Oklahoma City Thunder sa Miyerkules at Memphis Grizzles sa Biyernes.

Mayroong average si Curry na 29.4 points, 6.4 assists at 6.3 rebounds kada laro.