CSC, nagpaalala sa mga government employee na magpasa na ng SALN bago mag Abril 30

Nagpaalala ang Civil Service Commission sa mga empleyado ng gobyerno na magpasa na ng kanilang Statement of Assets, Liabilities, and Net Worth o SALN para sa taong 2023 bago mag April 30.

Binigyang-diin ni CSC Chairperson Karlo Nograles na importanteng mag-sumite ng updated na assets at liabilities upang maitaguyod ang transparency at tiwala ng publiko sa gobyerno.

May option naman ang mga mag-asawang parehong nagta-trabaho sa gobyerno. Maaari silang mag-sumite ng iisa o magkahiwalay na SALN. 

Kapag hindi nakapagpasa ng SALN kabilang na ang business interests at financial connections, maaaring maharap sa administrative disciplinary action ang isang empleyado.