Maaaring bumaba sa 600 sa katapusan ng buwan ng Setyembre ang bilang ng mga kaso ng Covid-19 bawat araw sa Metro Manila.
Ito ay dahil bumaba ang reproduction number ng rehiyon sa 1 sa nakaraang linggo ayon sa independent research group na OCTA.
Sinabi ng OCTA fellow na si Dr. Guido David na ang reproduction number ng Metro Manila ay bumaba sa 0.99, noong Agosto 23, mula 1.02, noong Agosto 16.
Gayunpaman, tulad ng nabanggit, ang mga bagong kaso sa NCR (National Capital Region) ay bumababa sa mabagal na rate.
Batay sa pinakahuling monitoring ng grupo, bumaba ang lingguhang testing positivity rate ng Metro Manila sa 13.6 percent, noong Agosto 25, mula sa 14.7 percent noong Agosto 18.
Idinagdag pa ni David na ang mga bagong kaso sa Metro Manila ay bumaba din sa pitong araw na average na 1,002, na may average na daily attack rate na 6.96 kada 100,000) at isang linggong growth rate na -9 percent.
Bumaba din sa 35 percent at 27 percent ang healthcare utilization ng Metro Manila at ICU occupancy para sa Covid-19 cases, simula noong Agosto 25, mula sa 37 percent at 31 percent, noong Agosto 20.
