COVID-19 protocols ng Malaysian government, mahigpit na sinusunod ng mga OFWs

CEBU CITY – Mahigpit na sinusunod ng mga overseas Filipino workers sa Malaysia ang COVID-19 protocols ng gobyerno.

Sinabi ni Bombo international correspondent Nick Gonzales mahigpit nilang sinusunod ang paalala ng Malaysian government hinggil sa physical distancing at “movement control order” o home quarantine.

Gaya ng Pilipinas, ipinatupad din sa Malaysia ngayon ang work from home scheme sa gitna ng COVID-19 pandemic.

Samantala, pinabulaanan naman ni Gonzales ang balita na hindi raw patas ang pagtrato ng Malaysian government sa kanilang mga OFWs.