Okupado na ang lahat ng mga kamang nakalaan para sa COVID-19 sa 13 ospital sa Metro Manila, base sa datos ng Department of Health (DOH).
Hanggang noong Agosot 6, pumalo na sa 100 percent ang utilization rate sa COVID-19 beds ng A Zarate General Hospital, Allied Care Experts Medical Center-Valenzuela, Inc., Bernardino General Hospital I, at Calalang General Hospital.
Kabilang din sa datos mula sa DOH COVID-19 tracker ang E. Zarate Hospital, F.Y. Manalo Medical Foundation, Inc., Novaliches District Hospital, Philippine Orthopedic Center, Recuenco General Hospital, Inc., Rosario Maclang Bautista General Hospital, Seamen’s Hospital, Victoriano Luna Medical Center, at VRP-Medical Center.
Ang mga ospital na ito ay kinukonsidera nang nasa “critical risk” dahil lagpas na sa 85 percent ng kanilang bed occupancy para sa COVID-19 patients ang okupado.
Pasok din sa classification na ito ang: Allied Care Experts Medical Center-Pateros, Inc. (87.5 percent occupied); Bernardino General Hospital II (85.7 percent occupied); Diliman Doctors Hospital Inc. (92.3 percent occupied; Las Pinas General Hospital and Satellite Trauma Center (95.8 percent occupied); Marikina Doctors Hospital and Medical Center Inc. (91.7 percent occupied); Metro North Medical Center and Hospital Inc. (92 percent occupied); National Children’s Hospital (90.8 percent occupied; Ospital ng Muntinlupa (95.1 percent); St. Luke’s Medical Center-Global City (95.2 percent occupied); Taguig-Pateros District Hospital (85.5 percent occupied); at UP-Philippine General Hospital (86.7 percent occupied).
Samantala, 24 namang ospital ang classified sa “high risk” category matapos na pumalo na sa 70 percent pero hindi naman lalagpas sa 85 perceng ng kanilang bed capacity para sa COVID-19 ang okupado na.
Labing-walong ospital naman ang nasa “moderate” risk level.
