Converge ginulat ang TNT 107-103

Ginulat ng Converge FiberXers ang TNT 107-103 sa huling laban ng koponan sa PBA Philippine Cup na ginanap sa Philsport Arena.

Sinabi ni Converge coach Aldin Ayo na tinapatan lamang ng kaniyang koponan ang mga manlalaro ng TNT.

Bumida sa panalo ng Converge si Aljun Melecio na mayroong 17 points habang mayroong 13 points si Schonny Winston at 12 points naman si Patrick Maagdenberg.

Ito lamang ang pangalawang panalo ng FiberXers habang ang TNT ay mayroong limang panalo at limang talo.

Katapat ng TNT sa pang-limang puwesto ang Rain or Shine, Meralco at Terrafirma na may natitira pang tatlong laro sa eliminations.