Ibinunyag ni Commission on Elections (Comelec) Chairman George Garcia ang plano ng ahensya na magrenta na lamang ng mga vote-counting machine sa halip na bumili ng bago para magamit sa 2025 midterm elections.
Ang midterm elections ay ginaganap sa kalagitnaan ng kasalukuyang termino ng Pangulo.
Ayon kay Garcia, mayroon nang 90,000 vote-counting machines ang Comelec.
Ang mga makinang ito ay ginamit noong nakaraang national elections.
Gayunpaman, aniya, dahil ang mga makinang ito ay ginamit sa nakaraang tatlong halalan, ang kanilang ‘accuracy’ ay maaaring nabawasan.
Ang mga vote counting machine ay kasalukuyang iniimbak sa isang bodega sa Laguna, na binanggit ni Garcia na medyo mahal.
Nais ng komisyon na magrenta ng mga vote counting machine sa halip na bumili ng bago.
Gayunpaman, nilinaw niya na ang mga malapit nang palitan na mga makina ay pananatilihin pa rin bilang mga backup na yunit para magamit sa hinaharap, partikular bilang “quick replacement” para sa mga hindi gumaganang makina.
