Naniniwala Armed Forces of the Philippines (AFP) spokesman for the West Philippine Sea Rear Admiral Roy Vincent Trinidad na sinasamantalang China ang usapin ng flood control at impeachment kay Vice President Sara Duterte para guluhin ang gobyerno.
Sinabi ni Trinidad, na base sa kanilang social media monitoring at analytics ay naimpluwensiyahan ng dayuhan at naglalaro ito sa dalawang nasabing usapin.
Bukod sa isyu sa West Philippine Sea ay umiikot din sa usapin ng pagkaka-raid ng mga otoridad sa Sanja Steel Corp noong Mayo 15 kung saan 69 na mga Chinese workers ang naaresto.
Pinagmumukha pa ng China na masama ang ilang opisyal ng gobyerno gaya ng ginagawa nila kay Philippine Coast Guard spokesman for the WPS Rear Admiral Jay Tarriela dahil sa matinding pagtutol nito sa agresibong hakbang ng China sa karagatan ng bansa.
Naniniwala din sila na hindi titigil ang ganitong propaganda ng China lalong-lalo na at paparating na ang 2028 elections.
