Naniniwala ang mga eksperto na ang bagong BA.2.75 – o Centaurus omicron subvariant – ay maaaring nakapasok na sa bansa.
Ito ay lumabas matapos ang mga pagtataya ng posibleng babalik ang peak ng COVID-19 cases sa Metro Manila
kasunod ng patuloy na tumataas na kaso ng Covid-19.
Nagtala ang kaso ng bansa sa 3,389 new cases ng COVID-19, ang pinakamataas mula noong Pebrero 12; sa mga bagong kaso, 1,169 ang nagmula sa Metro Manila.
Tumaas ang kaso mula sa Calabarzon at Central Luzon.
Samantala, naniniwala si Dr. Guido David, OCTA independent research group na maaaring tumaas ang mga kaso hanggang Agosto, na kasabay ng pagsisimula ng school year, naiiba sa naunang projection na ang mga kaso ay maaaring tumaas sa Hulyo, at bumaba sa Agosto.
Napansin din ni Dr. Rontgene Solante ng Department of Health (DOH) technical advisory group ang parehong obserbasyon.
Bagama’t hindi kinumpirma ng mga awtoridad ang presensya ng subvariant sa kanilang pinakahuling ulat ng genome sequencing, sinabi ni Solante na hindi niya binabalewala ang ideya na maaaring nakapasok na ang Centaurus sa bansa.
