Nagbabala ang Bangko Sentral ng Pilipinas sa mga bangko at sa mga financial institution laban sa digital vote buying at vote selling.
Gayundin ang money laundering, bago ang darating na barangay at Sangguniang Kabataan elections.
Nanawagan ang Deputy Governor ng BSP na si Chuchi Fonacier sa mga financial institution na pinangangasiwaan ng BSP na magpatupad ng mga hakbang sa pagsubaybay upang maiwasan ang maling paggamit ng sistema ng pananalapi.
Sinabi ni Fonacier na ang paalala ay naaayon sa pagsisikap ng pambansang pamahalaan at ng Commission on Elections na pigilan ang pagbili ng boto at pagbebenta ng boto.
Hinihikayat din ng BSP ang mga financial institution na higpitan ang kanilang umiiral na kontrol sa pagtukoy o pagpigil sa posibleng pagdagsa ng mga mapanlinlang na account at transactions habang papalapit ang petsa ng halalan.
Sinabi niya na dapat palakasin ng mga bangko ang kanilang mga hakbang at kontrol upang matiyak na ang naaangkop na mga proseso ng onboarding ng customer at epektibong sistema ng fraud management.
Ayon kay Fonacier, ang mga institusyon ay dapat magsumite ng mga kahina-hinalang ulat ng transaksyon sa Anti-Money Laundering Council.
Una nang naglabas din ang BSP ng Memorandum 2023–029 para paalalahanan ang mga BSP-supervised financial institutions sa nararapat na customer due diligence sa mga politically exposed persons.
