Kinumpirma ni Atty. Vic Rodriguez na tinanggap na rin nina Bienvenido Laguesma, Susan “Toots” Ople at Arsenio Balisacan ang alok ni presumptive President Ferdinand Marcos Jr. na maging bahagi sila ng kanyang Cabinet.
Si Laguesma ay susunod na DOLE chief kung saan dati na rin siyang labor secretary, ang workers advocate naman na si Ople ay tinanggap na rin umano ang alok na hawakan ang pagiging kalihim ng Department of Migrant Workers, habang si Balisacan ay para maging director-general ng National Economic Development Authority (NEDA).
Si Balisacan ay dati na ring NEDA chief noong panahon ni dating yumaong Pangulong Noynoy Aquino.
Kung maalala ang iba pang naunang nakumpirmang cabinet members ng incoming administration ay bilang DepEd secretary si presumptive Vice-President Sara Duterte, incoming DILG secretary si Benhur Abalos Jr., Justice secretary si Cavite Rep. Crispin Remulla at si Atty Rodriguez ang tatayong executive secretary ni Marcos.
