Itinanghal bilang 2025-26 NBA Coach of the Year si Boston Celtics head coach Joe Mazulla.
Si Mazulla ang coach mula sa Boston na makakuha sa naturang pagkilala matapos ang 46 na taon.
Tinalo ng Boston head coach sina Detroit Pistons coach J.B. Bickerstaff at San Antonio Spurs HC Mitch Johnson. Nakakuha kasi ang batikang coach ng 62 first-place habang ang sumunod sa kaniya na si Bickerstaff ay nakakuha lamang ng 29 na boto.
Maalalang sa katatapos na season ay pinangunahan ni Mazulla ang roster overhaul sa Celtics kasunod ng pag-alis nina Kristaps Porziņģis, Jrue Holiday, at Al Horford, kasama ang pagkawala ni Jayson Tatum dahil sa kaniyang mahabang rehabilitasyon mula sa achiles injury.
Sa pamamagitan ng ginawang overhaul, nagawa ng Boston na tapusin ang naturang season bilang No. 2 seed sa Eastern Conference, 56-26.
Sa kabilang banda, huling nakuha ng Celtics coach ang Coach of the Year award noong 1979 – 1980 Season kung saan nagsisilbi noong head coach ng koponan si Bill Fitch.
Si Mazulla ang isa sa pinakabatang coach na makakuha ng naturang award sa kaniyang edad na 37.
