Iniulat ni ni Health Secretary Francisco Duque III na pinaiigting ng Pilipinas ang border control measures sa gitna ng banta ng monkeypox virus.
Sinabi ni Duque na kaniya nang inatasan ang BOQ (Bureau of Quarantine) na paigtingin ang pagbabantay sa mga pasaherong nagmumula sa mga bansang may kilalang kaso ng monkeypox — pangunahin mula sa gitna at kanlurang Africa.
Ang symptom screening ay pinataas din para sa mga papasok na pasahero bukod sa iba pang mga control measures.
Nauna nang inanunsiyo ng DOH na walang nakitang kaso ng monkeypox virus sa Pilipinas kasunod ng mga kamakailang kaso na natagpuan sa mga bansa sa Europa, United States, Canada, at United Kingdom.
Sa pagbanggit ng impormasyon mula sa World Health Organization (WHO), sinabi ng DOH na ang monkeypox ay isang viral disease na nagmumula sa mga hayop at pangunahing nangyayari sa mga tropikal na rainforest na lugar ng Central at West Africa.
Gayunpaman, sinabi ni Duque na “hindi inuri ng WHO ang monkeypox bilang banta sa kalusugan ng publiko sa ngayon.”
Ginagabayan umano ang DOH mula sa advisory ng WHO.
