ILOILO CITY – Magsasagawa ngayong araw ang Healing Rosary for the World sa Archdiocese of Jaro.
Si Most Reverend Jose Romeo O. Lazo, D.D., Archbishop ng Archdiocese of Jaro ang mangunguna sa aktibidad.
Ang Healing Rosary for the World ay weekly prayer initiative ng Manila Cathedral kasama ang iba’t ibang dioceses sa Pilipinas.
Sa eksklusibong panayam ng Bombo Radyo Iloilo kay Father Angelo Colada, director ng Social Communications ng Archdiocese ng Jaro, sinabi nito na isasagawa ang healing rosary upang hilingin na matapos na ang Coronavirus Disease 2019 (COVID-19).
Ayon kay Father Colada, makikita at mapapakinggan via livestreaming mula sa Jaro Metropolitan Cathedral at National Shrine of Our Lady of Candles ang nasabing rosaryo.
Mapapakinggan din ng live sa Bombo Radyo Iloilo ang Healing Rosary for the World na magsisimula alas 9:00 mamayang gabi.
