BUTUAN CITY – Pinarangalan ng Commission on Population and Development o PopCom-Caraga ang Bombo Radyo Butuan sa kanilang isinagawang Rafael M. Salas Kaunlarang Pantao Awards (RMSKPA) sa isang hotel nitong lungsod ng Butuan kahapon.
Ito’y bilang pagkilala nila sa mahalagang papel ng media sa pagpalaganap at pag-promote ng kanilang Philippine Population and Development Plan of Action 2023-2028 sa buong rehiyon para sa taong ito.
Dahil sa ginawa ng Bombo Radyo Butuan, natulungan nito ang ahensya sa pagpapakalat ng impormasyon sa publiko pati na rin sa pagsuporta sa people-centered development na batay sa ebidensya.
Ang Rafael M. Salas Kaunlarang Pantao Awards ay isang taunang pagkilala ng Commission on Population and Development o PopCom sa mga lokal na pamahalaan, mga institusyon, at pati na rin ang mga media partners na may mahusay na integrasyon ng PopDev sa kanilang mga programa tulad ng family planning, adolescent health, gender equality, at sustainable development.
