Walang dahilan ang bangko sentral ng Pilipinas na itaas ang mga rate ng interes dahil humihina ang domestic inflation.
Muling iginiit ni Finance Secretary Benjamin Diokno ang kanyang paninindigan laban sa pagtaas ng rate nang makausap niya ang mga mamamahayag sa isang pagpupulong.
Ngunit sinabi niya na nagpapahayag lamang siya ng kanyang opinyon at isa lamang aniya siya sa pitong miyembro ng monetary board na boboto sa paggawa ng desisyon sa darating na araw ng Huwebes.
Ang Bangko Sentral ng Pilipinas (BSP) ay nagtaas ng rates ng kabuuang 425 basis points mula noong Mayo noong nakaraang taon upang labanan ang inflation.
Kung matatandaan, bumaba ang taunang inflation ng Pilipinas sa ikatlong sunod na buwan noong Abril sa 6.6%
Si BSP Governor Felipe Medalla mismo ay nagsabi na ang month-on-month inflation sa partikular ay nagpapakita ng mas malakas na argumento para sa pagpapanatiling hindi nagbabago ang mga rate.
Una na rito, naniniwala ang ilang ekonomista na ang pagbaba ng inflation at lumalamig na paglago ng ekonomiya ang naging dahilan para huminto ang BSP sa paghigpit ng cycle nito.
