Austrian Chancellor at Putin nakatakdang magpulong

Nakatakdang mag-usap si Austrian Chancellor Karl Nehammer at Russian President Vladirmir Putin.

Siya ang magiging unang European leader na makikipagpulong sa Moscow matapos ang paglusob nila ng Ukraine.

Sinabi ng kaniyang tagapagsalita na kanilang inabisuhan ang Berlin, Brussels at si Ukrainian President Volodymyr Zelensky.

Nagpasya si Nehammer na kausapin si Putin matapos ang pagbisita niya sa Ukraine kung saan gagawa ito ng inisiyatibo para sa kapayapaan.

Ang Austria ay miyembro ng European Union pero hindi ito miyembro ng North Atlantic Treaty Organization (NATO).