Nasa 500 African Swine Fever (ASF) test kits o “ASFV Nanogold Biosensor) ang inaasahang ipapadala sa Batangas para simulan ang mas malawak pang testing at initial distrubution.
Layunin nito na tulungan ang pig industry sa repopulation effort.
Ayon kay DOST Sec. Fortunato dela Peña, naghahanda na ang ahensya sa gagawing delivery ng mga test kits na dinevelop ng team ng mga researchers mula sa DOST – Philippine Council for Agriculture, Aquatic, and Natural Resources Research and Development (PCAARRD) at Central Luzon State University (CLSU).
Pinangunahan ni Dr. Clarissa Yvonne Domingo anggrupo mula sa CLSU na ngayon ay inihahanda na ang pagpapadala ng 500 test kits sa Batangas.
Sa ngayon aniya ay nilalakad na ng grupo na i-validate ng Bureau of Animal Industry (BAI) ang test kits upang magkaroon ito ng certificate of product registration.
Dagdag pa ng kalihim na inihahanda na rin ng ahensya ang minimum requirement para sa 20 ASF-positive at 20 ASF-negative samples kasama ang kinakailangang bilang ng test kits (reagents) na gagamitin ng BAI sa pag-validate ng Nanogol loop-mediated isothermal amplification (LAMP test kit).
Napagdesisyunan umano ng mga private drug companies at swine farms na makipagtulungan sa grupo ni Domingo para sa patuloy na testing at monitoring ng ASF sa mga babuyan bago at matapos ang introduction ng mga bagong stocks sa newly developed test kit.
Saad pa ng kalihim na nagpapatuloy ang ginagawang pagkuha ng samples mula sa swine producing regions upang kolektahin ang datos ukol sa posibleng variants ng ASF sa hog population ng bansa.
Mayroon nang nakitang dalawang variants ang ahensya mula sa 19 local samples na kanilang nalikom.
