Inaresto ang anim na indibidwal sa magkakasunod na anti-drug operations sa Central Luzon noong Biyernes at Sabado, June 27 at 28, na nagresulta sa pagkakakumpiska ng hinihinalang shabu na nagkakahalaga ng mahigit P1 milyon.
Isinagawa ang mga operasyon sa mga lalawigan ng Nueva Ecija, Zambales, at Pampanga, ayon sa ulat ng Police Regional Office-Central Luzon (PRO-3).
Alas-11:45 ng hapon noong June 27, naaresto ang isang suspek sa Zambales na may dalang 33 grams ng hinihinalang shabu na tinatayang nagkakahalaga ng P224,400; dalawa naman sa Nueva Ecija na may tinatayang 100.5 grams ng hinihinalang shabu na nagkakahalaga ng P683,400; at tatlo sa Pampanga na may tinatayang 15 grams na nagkakahalaga ng P102,000.
Tiniyak ng PRO3 sa publiko na patuloy nitong paiigtingin ang mga operasyon laban sa ilegal na droga upang buwagin ang mga network at panagutin ang mga sangkot sa krimen.
