Alex Eala pasok na sa quarterfinals ng W60 Nantes tournament

Pasok na sa quarterfinals ng W60 Nantes sa France si Pinay tennis player Alex Eala.

Ito ay matapos na talunin niya si Zeynep Sonmez ng Turkey sa score na 7-6(5) at 6-4.

Sa unang set ay bahagyang nahirapan ang 18-anyos na si Eala bago makuha ang 5-4 na advantage.

Naulit din ito sa ikalawang set kung saan nakalamang pa ng 4-1 ang 21-anyos na tennis player mula sa Turkey.

Susunod na makakaharap ni Eala si third seeded player Leolia Jeanjean ng France.